9. உதவியா இடையூறா!
உள்ளூரோ வெளிமாநில இடங்களோ
உதவிக்கு ஆம்புலன்ஸ் வாகனம்
முகாமில் கொரோனாப் பரிசோதனை
மருத்துவ வசதிகள் நோய்க்கான
மாத்திரை காப்பீடு தனிமைக்கு
மருத்துவ மனையிற் தனிப்படுக்கை
நியாய விலைக்கடை வழங்கும்
நிவாரண பொருட்கள் பணவுதவி நல்கவரசே!
(2)
அச்சத்தில் உறைந்த மக்களை
அக்கறை கொள்ளச் செய்து
வாழ்வாதாரப் பணிக்குத் தளர்வுகள்
வாய்ப்புநல் பணிகள் உருவாக்கித்
தந்தாலும் தினப்பணி ஊழியர்கள்
தவித்துத் தன்னார்வலர் அளித்தக்
கொடைகள் பெற்றுமேன் வசிக்க
கொணர இயலா வசந்தம் இடையூறே!
(3)
பற்பல நாட்டோர் தன்னாட்டுப்
பல்லின மக்களைத் தான்காக்க
விமானச் சேவையிற் சிறந்து
விரைவில் தாயகஞ் சேர்க்க
உள்ளோரும் வந்தோரும் கூடிமேல்
உழைத்துப் பிழைக்க வழிமுறை
வளர்ச்சியா வளமா வளரும்
வரவேற்கும் உள்ளத்தார் வாழ்த்த வாழ்க்கையே!
-சித்திரக்
கவிஞர் அகிலமணி ஸ்ரீவித்யா, 29.06.2020.
No comments:
Post a Comment